التليفون والشباب والحل أين ؟

التليفون والشباب والحل أين...



السلام عليكم ورحمة الله وبركاته
انتم معي ان ظاهرة التكلم في الهاتف في السنوات الاخيرة في ازدياد مستمر

لكن فلنسلط الضوء على المهم في هذا الامر

ما التفسير المقنع لكثرة تكلم الشباب في الهاتف لساعات طويلة

تدخل للمكاتب تلقى الشباب يتكلمون في الهاتف تتسائل سر المشاغل الكبيرة التي لديه

حتى في الجامعة نجي نتكلم مع وحدة حتى نستاذن منها باه تنحي الكيتمان

التاسعة ليلا الكل مشغول طبعا الهاتف بنسبة 70 بالمئة

في كل الاوقات البنات بالكيتمان والاولاد كذلك

وتعلمون من دون ان اتحدث سر هذه المكالمات لانكم جزائريون وتعرفون المظمون

من السبب في اعلاء هذه الوتيرة هل ؟

- موبيليس والكل يتكلم

-دجيزي عيش حياتك

- نجمة

- بسبب الامتيازات التي تضعها في خدمة الشباب طبعا المكالمات المجانية

- ام الاستغلال الخاطئ لشبابنا

- ام الفراغ

- ام......

- ام......

- ام......
وهل هذه الظاهرة تؤثر على الشباب من حيث حياته اليومية
ام مجرد راني نفوت في الوقت

تساؤلات عديدة و لكن اكتفي هنا وانتظر تفاعلاتكم


أنا رأيي :

ههههههه موضوع مهم جداا لكن يشعرني بالضحك

انا ساتكلم هنا بكل صراحة وهذا موضوع للنقاش و كل واحد يحترم رأي الاخر
كثيرا ما اجلس مع البنات في عمري او اصغر مني فاقول لهم اعطوني ارقامكم اذا احتجتكم اتصل بكم لكي نبقى على اتصال فيفاجئوني بقولهم "راجلي ما يحبش "
ههههههه واحدة عندها 12 سنة انا كنت في عمرها مانعرفش مام با واش هاد هاتف والله انا حتى قفلت 14 سنة باش عملت هاتف غير باش نهدر مع اساتذة نتاوعي لعاخاطر البيام يعني دروس خصوصية
بففففف واش هاد التخلف والشباب يضحكوني يحبو يحكمو في البنات و من نيتهم هههههه و الله غير يقتلوني بالضحك


وتصيبهم يتشاجروا مع البنات بسبب انو البنات ما يعيطولهمش ويقولولهم وين راهم رايحين و توقع المشاكل تحسب زوج و زوةجة ومع كل ذلك مضيعة الوقت والاموال والصحة من بعد يكملو و يقولها اخلاص نسيني و هيا تقعد الاعوام باه تنساه ههههه
ومن بعد نهار يحين موعد نتاعها باش تتزوج تنخطب بالحلال و تتزوج

فلهذا لماذا لا تتخذ الحلال من الاول ؟ كلهم يفعلون الحرام باسم سن المراهقة
الحمد لله انا خاطيني هاد الصوالح و هاد شكيل نتاع الدنيااااا اللي يحبني كاين دارنا والال ؟ ربما خرجت عن الموضوع لكن ما قدرتش نسكت خصوصا هاد الموضووووع

ماام انا يضحكني الموضوع هذاا هههه
و انا تظن انو  الاستغلال الخاطئ لشبابنا هو لي خلانا نوصلو للحالة هاذي
انا تاني الحمد لله خاطيني هذاا .. تلفوني نهاار كامل و هو مرمي في بلاصة ما نستعملوش خلاه غير باه نسمع الموسيقى

هههههههههههه والله صح بصح هذا الشيء من قلة تربية الوالدين واحيانا يكونوا الوالدين غافلين على اولادهم وهكدا الاولاد يترباو تربية غير حجسنة انا والله ما عندي تلفون ومانهخدر مع حتى واحد اما الاولاد فهم مثل اخوتي لماذا اخسر نيتي وتربيتي من اجل هاتف اه يا زمن............

ايييه